Улуу Кыайыы күнүнэн!

Күндү оҕолор, төрөппүттэр, коллегалар! Бүгүн дойду үрдүнэн бэлиэтэнэр, норуоту бүттүүн сомоҕолуур Улуу Кыайыы өрөгөйдөөх бырааһынньыгынан бука барыгытын эҕэрдэлиибит! Аҕа дойду Улуу сэриитин кэрдиис кэмэ Нам орто оскуолатын историятыгар биир дьоһун миэстэни ылар. Оскуолабыт оччотооҕу үөрэнээччилэрэ, учууталлара, үлэһиттэрэ эйэлээх олохторо тосту уларыйан, олус эппиэтинэстээх ыарахан кэмҥэ үлэни-хамнаһы тохтоппокко үөрэммиттэрэ-үлэлээбиттэрэ. Үөрэҕи таһынан холкуос үлэтигэр көмөлөһөн, фроҥҥа ичигэс таҥас тигэн, субуотунньуктары тэрийэн үлэни биир киһи курдук кыайа туппуттара. Оскуола коллектива 1944 сыл кулун тутар 31 күнүгэр “Советская Якутия” диэн колонна танкалары тутууга 10200 солкуобайы хомуйбуттарын иһин И.В.Сталинтан махтал тыллаах телеграмма туппуттара. Бу дьаныардаах үлэ үрдүк сыанабыла буолар. Билигин оскуолабыт сэрии кэминээҕи күргүөмнээх үлэтиттэн саҕалаан, бу күннэргэ дылы бары хайысхаларынан үтүө холобур буолар гына кыһаллан үлэлии олоробут. Оччотооҕу дьоммут тулуурдарын, дьулуурдарын, олоххо тардыһыыларын умнубаппыт, үтүө ааттарын өлбөөдүппэккэ киэн тутта ааттыыбыт. Оонньооботох оҕо саастаах үөрэнээччилэрин олохторун салҕаан үтүөҕэ, үрдүккэ дьулуһабыт. Маны барытын ахтан туран, бүгүҥҥү үөрүүлээх 75 сыллаах үбүлүөйдээх Кыайыы күнүгэр баҕарыахпыт этэ бука барыгытыгар кытаанах доруобуйаны, чаҕылхай ситиһиилэри, үчүгэй үөрэхпитинэн, дьоһун үлэбитинэн дьоҥҥо-сэргэҕэ сыаналана туруох уонна тэҥҥэ иннибит диэки эрэллээхтик хардыылаан иьиэх!
Э5эрдэни кытта И.С. Гаврильев аатынан Нам #1 орто оскуолатын администрацията, профкома

Leave a Reply

Your email address will not be published. Required fields are marked *

Введите код безопасности *