Ыам ыйын 12 күнүгэр, Нам IT-центр базатыгар, И.С.Гаврильев аатынан Нам №1-дээх орто оскуолатын 1️⃣5️⃣0️⃣

Ыам ыйын 12 күнүгэр, Нам IT-центр базатыгар, И.С.Гаврильев аатынан Нам №1-дээх орто оскуолатын 1️⃣5️⃣0️⃣ өрөгөйдөөх бэлиэ сааһын үрдүк таһымнаахтык көрсөөрү, оскуола коллектива, талааннаах үөрэнээччилэр, дьоҕурдаах учууталлар кыттыылаах “Чугдаарыый, чугдаарыый чуорааммыт биһиэнэ” улахан кэнсиэри бэлэх уунна.
Оскуола техническай базата тупсарыгар туьаламмыт марафоммутугар выпускниктар, төрөппүттэр, үөрэх араас кыһалара уонна ыалдьыттар көмө буолан бу күн уопсайа 351 500 солкуобай киирдэ.
Тапталлаах оскуолабыт үөрэнээччилэрэ, төрөппүттэрэ, выпускниктара, бииргэ үлэлиир уонна үлэлээбит коллегаларбыт, нэһилиэк олохтоохторо, ыалдьыттара бу күн биһигини кытта бииргэ буолбуккут иһин махтанабыт. Тус махталбытын тириэрдиэ этибит үөрүүлээх тэрээһиммитин куйаар ситимин нөҥүө быһа эфирга тахсарга көмө буолбут Саргылана Ильинична Петрова салайааччылаах Нам IT-центрыгар.
🔸Марафон ыам ыйын бутэһик күннэригэр диэри салҕанарын туһунан иһитиннэрэбит. Кэнэҕэски кэнчээри ыччат сайдыытыгар
бэйэҕит кылааккытын киллэриэххит диэн эрэнэбит!
🙏🙏🙏❤❤❤🌿🌿🌿

Leave a Reply

Your email address will not be published. Required fields are marked *

Введите код безопасности *